إن للشعر لسكرة
Wednesday, October 28, 2009
بعد غياب طوييييييييييل عن مدونتى دخلت لاتصفحها ففوجئت ببوستات قديمة جدًا لم أعد اذكرها، واستغربت لهذه الحالة الكئيبة التى تسيطر على المدونة وكأنها منفذ لبيع الطاقات السلبية واشفقت على أصدقائى الزوار ..
وأيقنت أن تلك السنوات التى تمر على الإنسان تترك لمساتها بشكل ملحوظ وتغير فى نظرته وآرائه حول الكثير من زوايا الحياة.. تغيرًا يعبر عن صدى ذلك الأساس الذى نشأ عليه وكأنه مردود طبيعى للأصل ولكن بشكل أنضج
اتصفح مدونتى الآن وأنا سعيدة بخمسة وعشرين عامًا خولتنى أن أكون مسئولة عن حياتى بشكل كامل وعن حياة من حولى بشكل كبير...
سعيدة بكروت الذاكرة التى اتسعت للكثيرين ممن اعتز بهم أو حتى الذين يمكننى أن أصنفهم بأنهم أصحاب الخانة السوداء فى حياتى ...
سعيدة بكل المواقف واللحظات التى أرانى انتصرت فيها جميعًا ولو بوجع علمنى مالاتستطيع الكثير من الضحكات تعليمى إياه...
فلتكن بعد هذا الغياب عودة بلون جديد ... لون لايشبه أى الألوان فقط يشبهنى
Tuesday, October 27, 2009
بندق
منذ أسبوع غادرت روح بندق جسده النحيل بعد معاناة وألم استمر يمزق فى أحشاءه لأكثر من 6 أيام
..
غادرت لترقد بسلام ، تاركة ذكراه فى كل مكان ... لعبه ونظراته وصراخه وتصرفاته وأكله ونومه .. ذهب هو وبقيت أماكنه وأغراضه والشوق إليه
لم يكن بندق مجرد قط صغير تربى فى منزلنا، بل كان أحد أفراد عائلتنا بعد أن انضم إلينا هو و"فينوس" منذ يومهما الأول فى الدنيا.. عشت معه لحظة بلحظة.عيناه المغلقتان وصوته الخافت الذى لايصل أسماعنا إلا بالكاد.. لحظة أن شق النور عينيه.. خطوته الأولى .. تعثراته ... أوقات رضعاته حيث كان يستد إلى صدرى ليتناول الحليب بالقطارة التى كانت أكبر من حجم فمه ... حمامه الأول .. خوفه من الماء .. عطره الخاص .. سلته الخاصة ... عشقه هو وفينوس للعب بأصابع القدم .. ركضهما فى كل أرجاء البيت .. ترقبه للطعام وحبه له _ حيث كان صاحب مزاج خاص _ .. كبريائه ورقته فى نفس الوقت .. عيناه البريئتان .. صراخه حين تداعبه أخته طالبًا أن ننجده من عضاتها..
لم ألاحظ أن بندق قد كبرت قامته إلا بعد مشاهدتى لصوره القديمة وذلك لأنه أصغر حجمًا من فينوس فكان دائمًا صغيرًا فى نظرى ..
رحل بندق وترك أخته تجوب البيت بحثًا عنه ... رحل وتركها وهى التى لم تعتاد أن تبتعد عنه ولو لحظة ... كانت تجرى إليه فى أيام مرضه بمجرد سماع صوته يتألم لتغمره بيديها وتطمئنه أنها بجانبه...
رحل بندق وتركنى أفتقده .. هذا المخلوق الصغير الذى ملأ دنيتى ببراءته وشقاوته وحنيته..
رحل وتركنى مع ذكرى طرائفه ومواقفه .. أذكر عندما رآنى أبكى ذات يوم فترك لعبه حتى يأتى ويداعبنى حتى ضحكت حينها عاد ليكمل لعبه ...
أذكر حتى أيام مرضه .. نظرات عينيه المتألمتين .. أذكر عجزى عن معرفة داءه ووجعه حين عجز الطبيب عن ذلك .. أذكر عجزى عن مساعدته والتخفيف عنه ..
رحلت يابندقتى وتركت داخلى مساحة تفوق حجمك الصغير من الحب والاشتياق إليك ...
وحشتنى يابندق ......
Tuesday, August 19, 2008
أول ما ابتدينا تنداول التدوين مابينا كشباب خطفنا الموضوع أوى والكل بقى يكتب اللى جواه صحيح الاستخدامات
اختلفت بس فى الآخر كلنا المفروض صادقين.من فترة صديقتى كانت بتشتكيلى إنها مابقتش قادرة تكتب براحتها على المدونة بتاعتها مع العلم إن صديقتى دى إنسانه حساسة جداااا والكتابة على المدونة بتشكلها حالة خاصة بيها بتحتاجلها فى أوقات كتير، السيئ فى الموضوع إن السبب اللى مانعها من التدوين عيون متطفلة سمحت لنفسها إنها تكون رقيب على كتاباتها يعنى مراقبة الحالة التفسية والمزاجية والمادية بالمرة وهاتك ياتحليل وهاتك يا أسئلة ... طبعا لما قالتلى أنا اضايقت عشانها جدااا وقلتلها حاولى تتجاهليهم واكتبى لنفسك وللناس السوية ... ومرت الأيام وكأنه يا أخونا كاس وداير مع إنى من الناس المهملة جدااا فى مدونتها ودايمًا بتشغل عنها، مع ذلك اكتشفت إن بعض الناس اللى حواليا بقوا باصيين للمدونة على أنها آداة لتوصيل رسايل موجهه من خلال رمى كلام وخلافه وطبعااا لما بكتب أى حاجة أو انزل اى أغنية يبقى طبعا قاصده بيها حد ... لا استنوا ده فيه حاجه أجمد ممكن أكون منزله بوست عشان أصعب على حد معين شفتو الجمال ... والله واتطور التدوين أوى واللى استفزنى أكثر وخلانى أنزل البوست ده أغنية حماقى "افتكرت" واللى نزلتها على المدونة طبعا الناس القريبة منى خافو عليا جدا وقالولى بلاش يا أمل تنزليها لحسن تتفهمى غلط ... بلاش يا أمل والباب اللى يجيلك منه الريح.... لا يا أمل يعنى ايه أغنية تعجبك لا لا .. ياسلاااااااااااام
حاجة غاية فى الاستفزاز
وعليه يا جماعة يا أصحاب الأفكار التعبانة شويتين لما أحب أبعت رسالة لحد وعد منى هكتب اسمه بشكل مباشرده وعد قدام الملايين والله على ما أقول شهيد
posted by أمل at 5:41 PM
Friday, August 15, 2008
ليدى .. ليدى ما أروعها
ليدى .. ليدى هيا معها
فى تمام الساعة الرابعة والنصف بتوقيت السعودية من 19 سنة وبنفس هذه الخطوات الصغيرة كنت أركض على التلفزيون لأشاهد "ليدى" وكأنها جائزتى الكبرى على يوم كامل أمضيته مابين المدرسة والبيت، أدندن مع تتر المقدمة وأنا أتراقص معها
مابين البراءة والمرح والتلقائية وبين مشاعرى كطفلة نشأت علاقة مازالت تؤثر فيا حتى اليوم، ومازلت أتعامل مع ليدى على أنها صديقتى التى غابت عنى منذ سنوات لكنها موجودة بقوة داخلى وأرفض التعامل معها على أنها مجرد رسوم متحركة
ومازالت ليدى معى برغم كل هذه السنوات التى حاولت أن تمحو كل ذكرى للبراءة
مازالت ليدى بذكراها الطيبة
مازالت ليدى.. ومازالت أمل
Thursday, August 14, 2008
posted by أمل at 9:13 PM
Friday, May 30, 2008
فى الفترة الأخيرة مريت بإخفاقات كتيرة على المستوى الإنسانى، وبما إنى القاسم المشترك فى الإخفاقات دى فجميع أصابع الاتهام اتجهت ناحيتى والجميع بيلمحلى بأن الغلط عندك يا أمل حاولى تضبطى الحياة عندك ومعرفش إيه.... الطبيعى بقى إنى أحس إن عندى مشكلة .. بس لأنى مؤمنة إن أى نجاح أو إخفاق فى العلاقات الإنسانية بكل أنواعها بيتقسم على الطرفين باختلاف النسب ... وعليها قعدت أدور على النسبة بتاعتى فى كل مرة ورصدت أخطائى اللى أعتقد إنها لو فى زمن غير اللى احنا عايشين فيه ماكانتش اتحسبت أخطاء .. مش كلها طبعًا لأنى مش ملاك وعندى عيوبى وأخطائى.. وكمان عشان أنا مش من أنصار الندم والبكاء على اللبن المسكوب فبكمل حياتى وأنا شايلة شنطة الخبرات اللى اتعلمتها ومؤمنة كل الإيمان إن كل حاجة بتحصلنا خير يمكن مش بنعرف حكمته فى وقتها بس بنكتشفها بعدين .. واهى الأيام بتعدى ومفيش حاجة بتثبت على حال حتى احنا بنتغير من خلال تغير نظرتنا للحياة ونضجنا وخبراتنا طبعًا سواء إيجابية أو سلبية.
بس ما اخبيش عليكوا برغم الحاجات الكتير اللى مؤمنة بيها واللى مخليانى أبص للحياة بإجابية، كان فى حاجة جوايا كده ممكن أقول عليها شبه أزمة مسببالى حزن واحساس بالفشل بشكل نسبى .... وده خلانى دايمًا مترقبة وفاحصة لأى علاقة بكون طرف فيها ..... وكانت النتيجة اللى فجأتنى رغم إنها بديهية جدااا وكان المفروض انى استوعبها من البداية وهى (كل من ينتمى للطرف الآخر هو من حزمة إنسانية واحدة) يعنى ايه ؟؟ يعنى كنت بتعامل مع نماذج متشابهه من محيط واحد قفلت نفسى عليه مع اختلاف طبعا درجة الاحترافية فى الظهور بمضمون مختلف واتقان دور الجيد والذكاء فى الوصول للغاية - وإن بُررت الوسيلة - واختلاف درجة المشاعر ووسائل التعبير عنها و .... و..... لكن النتيجة عقد واحد وإن اختلفت ألوان حباته أو أحجامها
وأخيرًا - وإن كان متأخر جداا - قررت من فترة بسيطة تنفست فيها الصعداء إنى اكسر قيود المحيط ده وأخرج منه لأنى من البداية ما كنتش انتمى ليه ومحيطى الحقيقى أكيد هو كمان بيستنانى من كتييييييييييييير
