أصبح للنيل لونًا كلونك، مزيج من الطفولة والدهاء .. لونًا لاينتمى لقائمة الألوان، أصبحت أخاف النيل وأهرب من نظراته اللائمة
أغمض عينيك وأمحو ذاكرتك النازفة باسمى فلن أعود
"أترانى جاوزت المعقول حين نجّمت بأنك مازلت ترانى فى صحو الشمس وارتعاش القمر ؟؟"
للعابرين أمثالنا بعض معتقدات يلوحون بها فى وجه كل من أراد بهم بقاء، فاليستوطن العاكفون ملء أرواحهم سكنًا .. لسنا وحدنا عابرين
الانتظار لعنة البشر الموجهة لبعض، صهر بطئ للمشاعر يجعلك شبيهًا بألواح مسندة على حائط الحياة
الحسابات الخاطئة، اعتقادك بالنبؤات المتكررة - من وجهة نظرك - تجعلك تخطئ
قوم ركع يعتصرون من أجسامهم عرق الصلاة، يرتلون آيات وأبيات ويعتزمون الرفع ليكتشفوا أن السقف تدنى منهم وقرر أن يبقوا راكعين
11/2006
12 comments:
ياااااه ياأمل وحشتني اوي الكتابة اللي زي دي..بقالي زمن ما قريتش حاجة مستني اوي كدة عن النيل لدرجة اني قربت اصدق انه فعلا شوية مية
اذا كانت دى شخبطة فبجد كانت أجمل شخبطة و اوقع و أشد تعبير من أى كلام تانى
أنا برضه بموت ف النيل و بحب أسرح فيه كتير بس عمرى ما اتخيلت انه يكلمنى
كنت انا بس اللى بكلمه !!!! هههه
و بعدين رصيدى خلص
ههههههههه
بجد يا أمل كلام فوق الروعة و بيعجبنى أوى النوع ده من الكتابات
تحياتى
ايه الفلسفة دي كلها يا باشا
احنا مش قد كده
العتاب الوحيد للعابرين مثلنا
أننا لم نسمع هذه الشخبطة حينما
كتبت في نوفمبر 2006
والآن وبعد هذا الانتظار
هل انصهرت مشاعرنا
من يدري؟
فما زلنا راكعين نتملى شخابيطنا
تحياتي
"الانتظار لعنة البشر الموجهة لبعض، صهر بطئ للمشاعر يجعلك شبيهًا بألواح مسندة على حائط الحياة"
الله بجد الجملة ديه عبقرية وبجد بينى وبين نفسى بحس ان ده الشئ اللى بيخوفنى دائما الصهر البطئ لمشاعرى تحت أقدم رجل وطفل وفى النهاية أكون لوح مسنود على حائط الحياة
بجد أبدعتى يا أمل
برغم انها شخبطة الا انها اجمل من ان تكون مجرد احساسيس بجد جميلة
صدقيني النص ده زعلني منك جدا
انتي ليه مش بتكتبي و تنزلي نصوص كتير في المدونة بتاعتك ؟؟؟؟؟؟؟؟؟؟؟
تحياتي لنص يستحق أكثر من تحية
الحفل القادم لاسكندريلاّ يوم 11/6/2007 بالجامعة الأمريكية
اسكندريلاّ موجودة على مسرح الجنينة يوم الجمعة 29 يونيو من9-10 مساءا
المكان: حديقة الأزهر طريق صلاح سالم الدراسة
جميع العروض مجانية بخلاف تذكرة دخول الحديقة
أسلوبك جميل زيك ... وديما أحساسك أعلي من أي حد قرأتله لأنه بجد ومن القلب ..اللي هو مش زي أي قلب
شخبـطـة جمييييلة جدًا ... ومبدعة يااا أمــــل ، ياريت بقى الناس تبطل تكتب ، وتشخبط ....
<<<<<<<<<
للعابرين أمثالنا بعض معتقدات يلوحون بها فى وجه كل من أراد بهم بقاء، فاليستوطن العاكفون ملء أرواحهم سكنًا .. لسنا وحدنا عابري
>>>>>>>>>>>>>
لغتـك راااائعـة ، وصورك شاعريـة وجميلة فعلاً
وحشتينــــــــا !!! صحيح
كلام جميل
فعلا ، إن للشخبطة لسكرة
:-)
ايام باك يا جدعان
جميل اوى يا مولا بس آخر حتة بتاعة الصلاة خرجتنى من المووود
الانتظار لعنة البشر الموجهة لبعض، صهر بطئ للمشاعر يجعلك شبيهًا بألواح مسندة على حائط الحياة
-----
صحيح ومؤلم
الحسابات الخاطئة، اعتقادك بالنبؤات المتكررة - من وجهة نظرك - تجعلك تخطئ
-----
دمتِ مبدعة
Post a Comment