أنا وانتى أرضين فى اللقا ... مالناش سما

وكان ضرورى نفترق .. لاجل اكتمال الكون







Saturday, March 24, 2007

الساقية الورقية









دى أول ثلاث موضوعات تنزلى فى مجلة الساقية الورقية
احساس حلو قوى لما تلاقى شغلك منشور والناس بتقراه
ومختلف عن انجازك وانت فى الجامعة ، يارب تكون بداية خير ليا ولصديقاتى المحررات الجامدات جدااا
انجي البطراوى
وللدعاية : الساقية الورقية تلاقيها فى
ساقية عبادالمنعم الصاوى بالزمالك
فرع الساقية بمدرسة نيوجينريشن
موبينيل
البنك العربى الأفريقى
سيلانترو كافيه
بى تك
مكاتب مصر للطيران
المجلة ب3 جنيهات فقط
يا بلاااااااااش

الشتاء


سيرحل الشتاء ويتركنى وحيدة، لا أدرى لماذا هذا العشق للشتاء ؟؟ اتوحد معه بشكل يخيفنى أحيانًا ويتوحد معى بشكل يفرحنى دائمًا ينبأنى باستمرار عن ما يدور بداخلى ويطلق صفارات الإنذار - برودة شديدة تجتاح جسمى النحيل - عندما يشتعل حريق ما بداخلى
يحتضننى عندما لا أجد أحدًا ، يطلقنى كلما أحمر أنفى إلى فضاء من الضحكات البريئة ، يملأنى بأحاسيس الحب والحلم والذكريات والاشتياق والحنين والوحدة واللقاء والانكسار والقوة والانطلاق والبعد
يحملنى إلى حيث أنا إلى الحياة
أحب هذه الأغنية لعلى الحجار
تحمل جانبًا من الشتاء

Thursday, March 08, 2007


الطين فانوس
بينور الحرف الفريد
قيام جلوس
ترفع إيديك عالحيط
بليد
تقصيد عروس
زفوها
للزمن الجليد
من قبل عمر الإنسانيه
بيكتبولنا فى الكتب
(وحش وفريسه )
عمرهم كتبوا
الفريس
لو تعملى الطين
السموم
كوشة عريس
آه تلضمى الحرف
المسافر جوه دايرة
إبره تبقى سكتِك
بدلة عريس
بدله ودايره
ع الأنام
مين يرتديها
ندق له
طحن الدريس
دقوا طبلكوا
المصمته
وارثينها كابر
عن أكابر
وابحثولكو عن وريث
دقوا طبولكوا
وابتدوا
بدأ الفرح
والزفه زافه للسما
بدأ الفرح
والروح تنوح
من مؤفكين العائشه
لموحدين الأندلس
يا حادثة الإفك
الزنيمه
اشهدى
اليوم بيحصل
ألف حادثة
ف ألف إفك
خرب الجرس
وموحدينا جوه فصل
المدرسه
بيعلمونا فى التاريخ
(كان ليكو كل..ليكو كان )
تبدأ حصصنا
باللى كان
تنتهى حياتنا
باقى كام
كام ياما كام
كام فيه ولد
سكب الشموع
على كاحل الفنارات
شهيد
قاد الدموع
فوق الحصيد
ناحل الجمرات قصيد
يا معلمينا الأبجدية
بكلام ألف
مش أولى برضوا
تعلمونا
النطفه أصل الاختلاف
المؤتلف
والجسم بعد الموت

يا دود ......

يختلف ......
مش أولى برضه
تعلمونا إن الأزل
لا ... لم ... يزل
يدِّى التحيه
للى رايح فى الهزل
أما اللى جىّ ..أما اللى جىّ..!





قصيدة لمن أشعرنا كثيرًا ثم قرر مغادرة بحور الشعر وقوافيه

الشاعر / أحمد عبدالجواد






تتشرف مؤسسة

ورقة وقلم

بدعوتكم لحضور الدورة الثانية من مهرجان سوا للجماعات الأدبية
المهرجان في دورته الثانية سيكون في شكل سهرة أدبية للجماعات الأدبية
بمشاركة فرقتي شر و صندوق الدنيا المسرحيتين



و ذلك السبت الموافق 10/3/2007
في تمام الخامسة بالمسرح الرئيسي بحديقة السيدة زينب الثقافية
ش محمد قدري باشا متفرع من ش بور سعيد - السيدة زينب