شخبطة

أصبح للنيل لونًا كلونك، مزيج من الطفولة والدهاء .. لونًا لاينتمى لقائمة الألوان، أصبحت أخاف النيل وأهرب من نظراته اللائمة

أغمض عينيك وأمحو ذاكرتك النازفة باسمى فلن أعود

"أترانى جاوزت المعقول حين نجّمت بأنك مازلت ترانى فى صحو الشمس وارتعاش القمر ؟؟"

للعابرين أمثالنا بعض معتقدات يلوحون بها فى وجه كل من أراد بهم بقاء، فاليستوطن العاكفون ملء أرواحهم سكنًا .. لسنا وحدنا عابرين

الانتظار لعنة البشر الموجهة لبعض، صهر بطئ للمشاعر يجعلك شبيهًا بألواح مسندة على حائط الحياة

الحسابات الخاطئة، اعتقادك بالنبؤات المتكررة - من وجهة نظرك - تجعلك تخطئ

قوم ركع يعتصرون من أجسامهم عرق الصلاة، يرتلون آيات وأبيات ويعتزمون الرفع ليكتشفوا أن السقف تدنى منهم وقرر أن يبقوا راكعين

11/2006

بجد حد فكر قبل كده لو عنده بنوته قمر فى البيت هيجيله قلب ينزل ويسيبها ؟؟

أبو تريكة مش هتكلم عنه كلاعب فنان ولا أنه بيمتعك بجد لما يلعب . أنا عايزه أتكلم عن أبوتريكة كحالة إنسانية مميزة جدا من وجهة نظري، لما ببصلوا كده وأسأل نفسي ياترى هو ليه بقى أبوتريكة ؟؟؟ يعنى ايه سبب الشهرة دى كلها وحب الناس الواضح ليه حتى الزملكاوية يا أخونا اللى ما بيعرفوش يحبو بعض بيحبو أبوتريكة !! لو الموضوع موضوع شهرة فمهارته كفاية مع شوية دعاية إنه يبقى مشهور مع إنه فى لعيبة كتيييييييييييير - مش أوي يعنى - مهارتهم عالية بس مش بنفس الشهرة ليه ؟؟ طيب يكون دعا والدته يعنى مسهل له الأمور ومخلى فى وشه القبول ههههه .. ممكن !! السؤال ده قعد محيرنى كتير لأنى بحب أبوتريكة جداا وبحب لعبه وأول ما بيكون فى الملعب بيترسم على وشى ابتسامه ولما ببص للى حواليا بلاقيها برضه على وشوشهم وكأن أبوتريكة عدانا بابتسامته الدائمة ، الابتسامة دى لوحدها فكرت فيها برضه وقلت يمكن بيقدر يكون كده قدام الكاميرات والجمهور ذكاء يعنى .. لغاية ما قابلته صدفه فى الأوبرا كان رايح يركب عربيته وقابله واحد من النادى وقعد يتكلم معاه شويه يومها أتأكدت فعلا إن الابتسامه دى مش مصطنعة لأنه حتى وهو ماشي لوحده بيكون مبتسم ، طيب فكرت برضه إنه يكون عنده ذكاء إعلامى يعنى فى التعامل مع الميديا لقيت ظهوره أصلا شبه معدوم !!!!! ولما دماغى بتتعبنى أروح قايله حاجه بتاعت ربنا

ههههههههههههههههههه

بجد بقى ليه محمد محمد أبوتريكة بقى أبوتريكة ؟؟؟
وليه كل زمايله بيحبوه بجد ومفيش حد بيضايق من حب الجمهور ليه ؟؟؟
وليه الجمهور بيحب أبوتريكة ؟؟؟


أعتقد لأنه ما اكتفاش إنه يكون لاعب كرة قدم محترف بس ونسى إنسانيته واعتقد كمان اللى بيوصل الإنسانية لمنتهاها الأساس الدينى الصح
وأظن ده عند محمد أبوتريكة الشاب البسيط اللى امتلك قلوب الملايين بنقاءه



بوست يبان غريب شويه عنى بس بجد حبيت أقول ده فقولته

حالة خاصة تحيط بك عندما تستمع لمنير لا أريد أن أفقدها متعتها بالحديث عنها أو ربما لأكون أكثر صراحة

أعجز عن وصفها بالكلمات

وتزداد الحالة روعة عندما يمتزح منير مع فن سيد درويش

البحر بيضحك ليه

كنت عايزه أنزل مع البوست أغنية "الشتا" من ألبوم ممكن

بس مش لقياها خااااااااااااااااااااالص فقررت أنزل الكلمات " نص المتعة " وأتركلكم الاستمتاع بالحالة كل واحد وطريقته

بعد ما ادى وبعد ما خد

بعد هد وبنى واحتد

شد لحاف الشتا من البرد

بعد ما لف وبعد ما دار

بعد ما هدى وبعد ما ثار

بعد ما داب واشتاق واحتار

حط الدبلة وحط الساعة

حط سجايرة والولاعة

علق حلمة على الشماعة

شد لحاف الشتا على جسمة

دحرج حلمة و همة واسمة

دارى عيون عايزين

يبتسمو الى قضى العمر هزار

والى قضى العمر بجد

شد لحاف الشتا من البرد