عندى علاقة مهمة جدًا فى حياتى، علاقة ليها مساحة خاصة جدًا جدًا
علاقة بينى وبين حد لابكلمه ولابيكلمنى، لابشوفه ولابيشوفنى، لا أعرفه ولايعرفنى
بس دايمًا معايا، وقت ما تشد الدنيا حيلها عليا وتوجعنى بلاقيه... ووقت مادموعى بتخونى وتغرقنى بلاقيه... ووقت ما أفرح وأحس إنى فوق قوى بلاقيه ... ووقت ما أهرب من خوفى جوه منى بلاقيه ...
بحسه بيجينى من الفراغ عشان يقوللى حاجة تفوقنى.. ويحسسنى بروحى وهى بترجعلى مع تنهيدة بتطلع منى وترجع بسمة على وشى
دى علاقتى الخاصة جدًا مع "صوت الكروان"... وبس
No comments:
Post a Comment